ಹೊಸ Voter ID Card ಗೆ ಮೊಬೈಲ್ನಲ್ಲೇ ಅರ್ಜಿ ಸಲ್ಲಿಸುವುದು ಹೇಗೆ? 18 ವರ್ಷ ತುಂಬಿದವರಿಗೆ ಸಂಪೂರ್ಣ ಹಂತ-ಹಂತದ ಮಾರ್ಗದರ್ಶಿ
ಭಾರತ ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರವಾಗಿದೆ. ಈ ಪ್ರಜಾಪ್ರಭುತ್ವ ವ್ಯವಸ್ಥೆಯ ಪ್ರಮುಖ ಆಧಾರವೇ ಚುನಾವಣೆ. ಚುನಾವಣೆಯಲ್ಲಿ ಮತ ಚಲಾಯಿಸುವ ಹಕ್ಕು ಪ್ರತಿಯೊಬ್ಬ ಭಾರತೀಯ ನಾಗರಿಕನಿಗೆ ಸಂವಿಧಾನ ನೀಡಿರುವ ಅಮೂಲ್ಯ ಹಕ್ಕಾಗಿದೆ. ಆದರೆ ಮತ ಚಲಾಯಿಸಲು ಮೊದಲು ನಿಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿ ಇರಬೇಕು ಹಾಗೂ ನಿಮ್ಮ ಬಳಿ ಮಾನ್ಯವಾದ Voter ID Card (EPIC Card) ಇರಬೇಕು.
18 ವರ್ಷ ವಯಸ್ಸು ಪೂರ್ಣಗೊಂಡ ಪ್ರತಿಯೊಬ್ಬ ಯುವಕ ಮತ್ತು ಯುವತಿಯು ಮತದಾರರ ಪಟ್ಟಿಗೆ ತಮ್ಮ ಹೆಸರನ್ನು ಸೇರ್ಪಡೆಗೊಳಿಸಿಕೊಳ್ಳುವುದು ಅತ್ಯಗತ್ಯ.
ಹಿಂದೆ ವೋಟರ್ ಐಡಿ ಕಾರ್ಡ್ ಪಡೆಯಲು ಸರ್ಕಾರಿ ಕಚೇರಿಗಳಿಗೆ ಅಲೆದಾಡಬೇಕಾಗುತ್ತಿತ್ತು. ಕೆಲವೊಮ್ಮೆ BLO ಗಳನ್ನು ಸಂಪರ್ಕಿಸಬೇಕಾಗುತ್ತಿತ್ತು ಅಥವಾ ಸೈಬರ್ ಸೆಂಟರ್ಗಳಿಗೆ ಹೋಗಿ ಹಣ ಖರ್ಚು ಮಾಡಬೇಕಾಗುತ್ತಿತ್ತು.
ಆದರೆ ಈಗ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ. ಭಾರತೀಯ ಚುನಾವಣಾ ಆಯೋಗವು ಸಂಪೂರ್ಣ ಪ್ರಕ್ರಿಯೆಯನ್ನು ಡಿಜಿಟಲ್ ಮಾಡಿದ್ದು,
ಮನೆಯಲ್ಲೇ ಕುಳಿತು ನಿಮ್ಮ ಮೊಬೈಲ್ ಅಥವಾ ಲ್ಯಾಪ್ಟಾಪ್ ಮೂಲಕ ಕೆಲವೇ ನಿಮಿಷಗಳಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ.
ಈ ಲೇಖನದಲ್ಲಿ ಹೊಸ Voter ID Card ಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ವಿಧಾನ, ಅಗತ್ಯ ದಾಖಲೆಗಳು, Form 6 ಭರ್ತಿ ಮಾಡುವ ಕ್ರಮ,
e-Sign, ಅರ್ಜಿ ಸ್ಥಿತಿ ಪರಿಶೀಲನೆ ಹಾಗೂ e-EPIC ಡೌನ್ಲೋಡ್ ಮಾಡುವವರೆಗೆ ಪ್ರತಿಯೊಂದು ಮಾಹಿತಿಯನ್ನು ವಿವರವಾಗಿ ತಿಳಿದುಕೊಳ್ಳೋಣ.
Voter ID Card ಎಂದರೇನು?
Voter ID Card ಅಥವಾ EPIC (Electors Photo Identity Card) ಎಂಬುದು ಭಾರತೀಯ ಚುನಾವಣಾ ಆಯೋಗ ನೀಡುವ ಅಧಿಕೃತ ಗುರುತಿನ ಚೀಟಿಯಾಗಿದೆ.
ಈ ಕಾರ್ಡ್ನ ಪ್ರಮುಖ ಉದ್ದೇಶ:
- ಮತದಾನದ ಹಕ್ಕು ಚಲಾಯಿಸಲು
- ಮತದಾರರ ಗುರುತಿನ ದೃಢೀಕರಣಕ್ಕೆ
- ಸರ್ಕಾರಿ ದಾಖಲೆಗಳಲ್ಲಿ ಗುರುತಿನ ದಾಖಲೆಯಾಗಿ
- ವಿಳಾಸದ ದಾಖಲೆಯಾಗಿ
- ಹಲವು ಸರ್ಕಾರಿ ಸೇವೆಗಳಲ್ಲಿ ಗುರುತಿನ ಚೀಟಿಯಾಗಿ
ಬಳಸಲಾಗುತ್ತದೆ.
18 ವರ್ಷ ತುಂಬಿದ ತಕ್ಷಣ Voter ID ಯಾಕೆ ಮಾಡಿಸಿಕೊಳ್ಳಬೇಕು?
ಬಹಳಷ್ಟು ಯುವಕರು 18 ವರ್ಷ ತುಂಬಿದರೂ ಮತದಾರರ ಪಟ್ಟಿಗೆ ಸೇರ್ಪಡೆಗೊಳ್ಳುವುದನ್ನು ಮುಂದೂಡುತ್ತಾರೆ. ಆದರೆ ಇದು ತಪ್ಪು.
ಮುಖ್ಯ ಕಾರಣಗಳು
✅ ಚುನಾವಣೆಯಲ್ಲಿ ಮತ ಚಲಾಯಿಸಲು ಸಾಧ್ಯವಾಗುತ್ತದೆ
✅ ಸರ್ಕಾರಿ ದಾಖಲೆಗಳಲ್ಲಿ ಗುರುತಿನ ದಾಖಲೆಯಾಗಿ ಉಪಯೋಗಿಸಬಹುದು
✅ ಪ್ರಜಾಪ್ರಭುತ್ವದಲ್ಲಿ ಸಕ್ರಿಯವಾಗಿ ಭಾಗವಹಿಸಬಹುದು
✅ ಸರ್ಕಾರ ರಚನೆಯಲ್ಲಿ ನಿಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಬಹುದು
✅ ಯುವ ಮತದಾರರಾಗಿ ದೇಶದ ಭವಿಷ್ಯ ನಿರ್ಧಾರದಲ್ಲಿ ಪಾಲ್ಗೊಳ್ಳಬಹುದು
ಇದನ್ನು ಓದಿ – Cyclone Alert: ಬಂಗಾಳಕೊಲ್ಲಿಯಲ್ಲಿ ಚಂಡಮಾರುತ ಸಕ್ರಿಯ! 75 KM ವೇಗದ ಬಿರುಗಾಳಿ, 17 ರಾಜ್ಯಗಳಲ್ಲಿ ಭಾರೀ ಮಳೆ ಎಚ್ಚರಿಕೆ.
ಅರ್ಜಿ ಸಲ್ಲಿಸಲು ಅಗತ್ಯ ದಾಖಲೆಗಳು
ಹೊಸ Voter ID Card ಗೆ ಅರ್ಜಿ ಸಲ್ಲಿಸುವ ಮೊದಲು ಈ ದಾಖಲೆಗಳನ್ನು ಸಿದ್ಧಪಡಿಸಿಕೊಳ್ಳಿ.
1. ಪಾಸ್ಪೋರ್ಟ್ ಸೈಜ್ ಫೋಟೋ
- ಇತ್ತೀಚಿನ ಫೋಟೋ ಆಗಿರಬೇಕು
- ಬಿಳಿ ಹಿನ್ನೆಲೆ ಹೊಂದಿರಬೇಕು
- JPG ಅಥವಾ JPEG ಫಾರ್ಮ್ಯಾಟ್
- 2MB ಗಿಂತ ಕಡಿಮೆ ಗಾತ್ರ
2. ಆಧಾರ್ ಕಾರ್ಡ್
- ಮುಂಭಾಗ ಮತ್ತು ಹಿಂಭಾಗ ಸ್ಪಷ್ಟವಾಗಿ ಕಾಣಬೇಕು
- PDF ಫೈಲ್ ಆಗಿರಬೇಕು
- 2MB ಗಿಂತ ಕಡಿಮೆ ಗಾತ್ರ
3. ಮೊಬೈಲ್ ಸಂಖ್ಯೆ
OTP ಪಡೆಯಲು ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆ ಅಗತ್ಯ.
4. ಇಮೇಲ್ ಐಡಿ (ಐಚ್ಛಿಕ)
ಇದ್ದರೆ ನಮೂದಿಸಬಹುದು.
ಹಂತ 1: ವೋಟರ್ ಪೋರ್ಟಲ್ನಲ್ಲಿ ಹೊಸ ಖಾತೆ ರಚನೆ (Sign-Up / Registration)
ನೀವು ಮೊದಲ ಬಾರಿಗೆ ವೆಬ್ಸೈಟ್ಗೆ ಭೇಟಿ ನೀಡುತ್ತಿದ್ದರೆ, ಮೊದಲು ನಿಮ್ಮದೊಂದು ಖಾತೆಯನ್ನು ಸೃಷ್ಟಿಸಿಕೊಳ್ಳಬೇಕು.
- ನಿಮ್ಮ ಬ್ರೌಸರ್ನಲ್ಲಿ ಗೂಗಲ್ ಓಪನ್ ಮಾಡಿ, epic home ಅಥವಾ voters.eci.gov.in ಎಂದು ಟೈಪ್ ಮಾಡಿ ಸರ್ಚ್ ಮಾಡಿ. click here to Apply Now
- ಚುನಾವಣಾ ಆಯೋಗದ ಅಧಿಕೃತ ಮುಖಪುಟ (Voters’ Services Portal) ತೆರೆದುಕೊಳ್ಳುತ್ತದೆ.
- ಪರದೆಯ ಬಲಭಾಗದ ಮೇಲ್ತುದಿಯಲ್ಲಿರುವ ‘Sign-Up’ ಬಟನ್ ಮೇಲೆ ಕ್ಲಿಕ್ ಮಾಡಿ.
- ಅಲ್ಲಿ ನಿಮ್ಮ ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ (ಇದು ಆಧಾರ್ಗೆ ಲಿಂಕ್ ಆಗಿರಲೇಬೇಕು ಎಂದೇನಿಲ್ಲ). ಇ-ಮೇಲ್ ಐಡಿ ಆಪ್ಷನಲ್ ಆಗಿದ್ದು, ಬೇಕಿದ್ದರೆ ಹಾಕಬಹುದು.
- ಕೆಳಗೆ ನೀಡಲಾದ ಕ್ಯಾಪ್ಚಾ (Captcha) ಕೋಡ್ ಅನ್ನು ಟೈಪ್ ಮಾಡಿ, ‘Continue’ ಕ್ಲಿಕ್ ಮಾಡಿ.
- ಮುಂದಿನ ಪೇಜ್ನಲ್ಲಿ ನಿಮ್ಮ ಮೊದಲ ಹೆಸರು (First Name) ಮತ್ತು ಕೊನೆಯ ಹೆಸರು (Last Name / Surname) ಟೈಪ್ ಮಾಡಿ, ‘Request OTP’ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ಮೊಬೈಲ್ಗೆ ಬರುವ ಒಟಿಪಿಯನ್ನು ನಮೂದಿಸಿ ‘Verify’ ಕೊಟ್ಟರೆ, ನಿಮ್ಮ ಅಕೌಂಟ್ ಯಶಸ್ವಿಯಾಗಿ ಸೃಷ್ಟಿಯಾಗುತ್ತದೆ.
ಹಂತ 2: ಪೋರ್ಟಲ್ಗೆ ಲಾಗಿನ್ ಆಗುವುದು (Login Process)
- ಅಕೌಂಟ್ ಕ್ರಿಯೇಟ್ ಆದ ನಂತರ, ಮತ್ತೆ ಮುಖಪುಟಕ್ಕೆ ಬಂದು ‘Login’ ಬಟನ್ ಕ್ಲಿಕ್ ಮಾಡಿ.
- ನೀವು ನೋಂದಾಯಿಸಿದ ಮೊಬೈಲ್ ಸಂಖ್ಯೆ, ಪಾಸ್ವರ್ಡ್ ಅಥವಾ ಒಟಿಪಿ, ಮತ್ತು ಕ್ಯಾಪ್ಚಾ ಕೋಡ್ ಹಾಕಿ ಲಾಗಿನ್ ಆಗಿ.
- ಲಾಗಿನ್ ಆದ ಮೇಲೆ ಪರದೆಯ ಬಲಭಾಗದಲ್ಲಿ ನಿಮ್ಮ ಹೆಸರು ಕಾಣಿಸುತ್ತದೆ. ಈಗ ನೀವು ಅರ್ಜಿ ಸಲ್ಲಿಸಲು ಸಿದ್ಧರಿದ್ದೀರಿ ಎಂದರ್ಥ.
ಹಂತ 3: ಹೊಸ ವೋಟರ್ ಐಡಿಗಾಗಿ ‘ನಮೂನೆ 6’ (Form 6) ಭರ್ತಿ ಮಾಡುವ ವಿಧಾನ
- ಡ್ಯಾಶ್ಬೋರ್ಡ್ನಲ್ಲಿ ಎಡಭಾಗದಲ್ಲಿ ‘New Voter Registration’ ಎಂಬ ಆಯ್ಕೆ ಇರುತ್ತದೆ. ಅದರ ಕೆಳಗಿರುವ ‘Fill Form 6’ ಬಟನ್ ಮೇಲೆ ಕ್ಲಿಕ್ ಮಾಡಿ.
- ಈಗ ಒಂದು ದೊಡ್ಡ ಫಾರ್ಮ್ ತೆರೆದುಕೊಳ್ಳುತ್ತದೆ. ಇದನ್ನು ಹಂತ ಹಂತವಾಗಿ ಭರ್ತಿ ಮಾಡಬೇಕು.
A. ರಾಜ್ಯ ಮತ್ತು ಜಿಲ್ಲೆಯ ಆಯ್ಕೆ (State & District):
- ನಿಮ್ಮ ರಾಜ್ಯ (ಕರ್ನಾಟಕ), ಜಿಲ್ಲೆ (ಉದಾ: ದಾವಣಗೆರೆ, ಬೆಂಗಳೂರು) ಯನ್ನು ಡ್ರಾಪ್ಡೌನ್ ಮೆನುವಿನಿಂದ ಆಯ್ಕೆ ಮಾಡಿ.
- ನಂತರ ನಿಮ್ಮ ವಿಧಾನಸಭಾ ಕ್ಷೇತ್ರವನ್ನು (Assembly Constituency) ಆಯ್ಕೆ ಮಾಡಿ (ಉದಾ: ಹರಿಹರ, ಬಸವನಗುಡಿ). ಬಳಿಕ ‘Next’ ಒತ್ತಿ.
B. ವೈಯಕ್ತಿಕ ವಿವರಗಳು (Personal Details):
- ಹೆಸರು: ಇಲ್ಲಿ ನಿಮ್ಮ ಹೆಸರು ಮತ್ತು ತಂದೆಯ ಹೆಸರನ್ನು (First Name followed by Middle Name) ಇಂಗ್ಲಿಷ್ನಲ್ಲಿ ಟೈಪ್ ಮಾಡಿ. ಪಕ್ಕದ ಬಾಕ್ಸ್ನಲ್ಲಿ ನಿಮ್ಮ ಅಡ್ಡಹೆಸರು (Surname) ಇದ್ದರೆ ಟೈಪ್ ಮಾಡಿ.
- ಪ್ರಮುಖ ಸೂಚನೆ: ನೀವು ಇಂಗ್ಲಿಷ್ನಲ್ಲಿ ಟೈಪ್ ಮಾಡಿದ ತಕ್ಷಣ, ಅದರ ಕೆಳಗಿನ ಬಾಕ್ಸ್ನಲ್ಲಿ ತಾನಾಗಿಯೇ ಕನ್ನಡಕ್ಕೆ ತರ್ಜುಮೆಯಾಗುತ್ತದೆ (Transliteration).
- ಕನ್ನಡ ಅಕ್ಷರ ಸರಿಪಡಿಸುವ ಟ್ರಿಕ್: ಆನ್ಲೈನ್ ಅನುವಾದದಲ್ಲಿ ಕನ್ನಡದ ಕಾಗುಣಿತ ಅಥವಾ ಒತ್ತಕ್ಷರಗಳು ತಪ್ಪಾಗಿ ಬರುವುದು ಸಾಮಾನ್ಯ. ಹೀಗಾದಾಗ, ಆ ಬಾಕ್ಸ್ನ ಪಕ್ಕದಲ್ಲೇ ಇರುವ ‘ಕೀಬೋರ್ಡ್ ಐಕಾನ್’ (Keyboard box) ಮೇಲೆ ಕ್ಲಿಕ್ ಮಾಡಿ. ಸ್ಕ್ರೀನ್ ಮೇಲೆ ಮೂಡುವ ಕನ್ನಡ ಕೀಬೋರ್ಡ್ ಬಳಸಿ, ತಪ್ಪಾದ ಅಕ್ಷರಗಳನ್ನು ಅಳಿಸಿ ಸರಿಯಾದ ಕಾಗುಣಿತವನ್ನು ಟೈಪ್ ಮಾಡಿಕೊಳ್ಳಿ.
- ಫೋಟೋ ಅಪ್ಲೋಡ್: ನಿಮ್ಮ 2MB ಗಿಂತ ಕಡಿಮೆಯಿರುವ ಬಿಳಿ ಹಿನ್ನೆಲೆಯ ಫೋಟೋವನ್ನು ಇಲ್ಲಿ ಅಪ್ಲೋಡ್ ಮಾಡಿ, ಮುಖ ಸ್ಪಷ್ಟವಾಗಿ ಕಾಣುವಂತೆ ಕ್ರಾಪ್ ಮಾಡಿ ‘Save’ ಕೊಡಿ.
C. ಸಂಬಂಧಿಕರ ವಿವರ (Relatives Details):
- ಇಲ್ಲಿ ತಂದೆ (Father), ತಾಯಿ (Mother) ಅಥವಾ ಗಂಡನ (Husband) ಹೆಸರನ್ನು ನಮೂದಿಸಬೇಕು.
- ಮದುವೆಯಾಗದ ಯುವಕ-ಯುವತಿಯರು ‘Father’ ಎಂದು ಸೆಲೆಕ್ಟ್ ಮಾಡಿ, ಕೆಳಗೆ ತಂದೆಯ ಹೆಸರು ಮತ್ತು ಸರ್ನೇಮ್ ಟೈಪ್ ಮಾಡಿ (ಇಲ್ಲಿಯೂ ಕನ್ನಡ ಅಕ್ಷರಗಳನ್ನು ಕೀಬೋರ್ಡ್ ಮೂಲಕ ಸರಿಪಡಿಸಿಕೊಳ್ಳಿ).
- ಮದುವೆಯಾದ ಮಹಿಳೆಯರು ‘Husband’ ಎಂದು ಆಯ್ಕೆ ಮಾಡಿ ಗಂಡನ ಹೆಸರು ನಮೂದಿಸುವುದು ಕಡ್ಡಾಯ.
D. ಸಂಪರ್ಕ ವಿವರಗಳು (Contact Details):
- ‘Self’ ಎಂದು ಟಿಕ್ ಮಾಡಿ ನಿಮ್ಮ ಮೊಬೈಲ್ ಸಂಖ್ಯೆ ಹಾಕಿ ‘Send OTP’ ಕ್ಲಿಕ್ ಮಾಡಿ. ಒಟಿಪಿ ಹಾಕಿ ವೆರಿಫೈ ಮಾಡಿ.
- ಇದೇ ರೀತಿ ಇ-ಮೇಲ್ ಐಡಿ (ಇದ್ದರೆ) ಹಾಕಿ ‘Next’ ಕ್ಲಿಕ್ ಮಾಡಿ.
E. ಆಧಾರ್ ವಿವರ (Aadhaar Details):
- ‘Aadhaar Number’ ಬಾಕ್ಸ್ ಟಿಕ್ ಮಾಡಿ, ನಿಮ್ಮ 12 ಅಂಕಿಗಳ ಆಧಾರ್ ನಂಬರ್ ಅನ್ನು ನಮೂದಿಸಿ.
F & G. ಲಿಂಗ ಮತ್ತು ಜನ್ಮ ದಿನಾಂಕ (Gender & DOB):
- ನಿಮ್ಮ ಲಿಂಗ (Male/Female/Third Gender) ಆಯ್ಕೆ ಮಾಡಿ.
- ನಿಮ್ಮ ಜನ್ಮ ದಿನಾಂಕವನ್ನು (Date of Birth) ಕ್ಯಾಲೆಂಡರ್ನಿಂದ ಆಯ್ಕೆ ಮಾಡಿ.
- ವಯಸ್ಸಿನ ದೃಢೀಕರಣಕ್ಕಾಗಿ (Proof of DOB) ಡಾಕ್ಯುಮೆಂಟ್ ಆಗಿ ‘Aadhaar Card’ ಸೆಲೆಕ್ಟ್ ಮಾಡಿ, ಆಧಾರ್ ಕಾರ್ಡ್ನ PDF ಪ್ರತಿಯನ್ನು ಅಪ್ಲೋಡ್ ಮಾಡಿ.
H. ಪ್ರಸ್ತುತ ವಿಳಾಸ (Present Address Details):
- ಮನೆ ನಂಬರ್, ಬೀದಿ/ರಸ್ತೆ, ಊರು, ಪೋಸ್ಟ್ ಆಫೀಸ್, ಪಿನ್ಕೋಡ್, ತಾಲೂಕು ಮತ್ತು ಜಿಲ್ಲೆಯನ್ನು ಇಂಗ್ಲಿಷ್ನಲ್ಲಿ ಟೈಪ್ ಮಾಡಿ (ಕನ್ನಡದಲ್ಲಿ ತಾನಾಗಿಯೇ ಬರುತ್ತದೆ, ತಪ್ಪಿದ್ದರೆ ಕೀಬೋರ್ಡ್ ಬಳಸಿ ತಿದ್ದಿಕೊಳ್ಳಿ).
- ವಿಳಾಸದ ದೃಢೀಕರಣಕ್ಕಾಗಿ (Proof of Residence) ಮತ್ತೆ ‘Aadhaar Card’ ಅನ್ನೇ ಸೆಲೆಕ್ಟ್ ಮಾಡಿ, ಅದೇ ಆಧಾರ್ PDF ಫೈಲ್ ಅನ್ನು ಇಲ್ಲಿಯೂ ಅಪ್ಲೋಡ್ ಮಾಡಿ.
I & J. ಅಂಗವೈಕಲ್ಯ ಮತ್ತು ಕುಟುಂಬ ಸದಸ್ಯರ ವಿವರ:
- ನೀವು ವಿಶೇಷ ಚೇತನರಾಗಿದ್ದರೆ (Disability) ಸಂಬಂಧಪಟ್ಟ ಬಾಕ್ಸ್ ಟಿಕ್ ಮಾಡಿ, ಪ್ರಮಾಣಪತ್ರ ಅಪ್ಲೋಡ್ ಮಾಡಿ. ಇಲ್ಲವಾದರೆ ಅದನ್ನು ಹಾಗೆಯೇ ಬಿಟ್ಟು ‘Next’ ಕೊಡಿ.
- ನಿಮ್ಮ ಮನೆಯಲ್ಲಿ (ತಂದೆ/ತಾಯಿ/ಗಂಡ) ಈಗಾಗಲೇ ವೋಟರ್ ಐಡಿ ಹೊಂದಿರುವವರ ಹೆಸರನ್ನು ಇಲ್ಲಿ ಹಾಕಿ, ಅವರ EPIC (ವೋಟರ್ ಐಡಿ) ನಂಬರ್ ಹಾಕುವುದು ಉತ್ತಮ. ಇದರಿಂದ ನಿಮ್ಮ ಕಾರ್ಡ್ ಬೇಗನೆ ಪ್ರೋಸೆಸ್ ಆಗುತ್ತದೆ. ಕಡ್ಡಾಯವಲ್ಲದಿದ್ದರೂ ಹಾಕುವುದು ಒಳ್ಳೆಯದು.
K. ಡಿಕ್ಲರೇಷನ್ (Declaration):
- ನೀವು ಹುಟ್ಟಿದ ಊರು (Village/Town), ರಾಜ್ಯ ಮತ್ತು ಜಿಲ್ಲೆಯನ್ನು ಆಯ್ಕೆ ಮಾಡಿ.
- ಆ ವಿಳಾಸದಲ್ಲಿ ನೀವು ಎಷ್ಟು ವರ್ಷಗಳಿಂದ ವಾಸವಿದ್ದೀರಿ ಎಂಬುದನ್ನು (ಸಾಮಾನ್ಯವಾಗಿ ನಿಮ್ಮ ಹುಟ್ಟಿದ ತಿಂಗಳು ಮತ್ತು ಇಸವಿ) ನಮೂದಿಸಿ.
- ಕೊನೆಯಲ್ಲಿ Place (ಸ್ಥಳ) ಎಂಬಲ್ಲಿ ನಿಮ್ಮ ಊರಿನ ಹೆಸರು ಹಾಕಿ, ‘Next’ ಒತ್ತಿ.
ಹಂತ 4: ಇ-ಸೈನ್ (e-Sign) ಮತ್ತು ಅಂತಿಮ ಸಲ್ಲಿಕೆ (Final Submission)
- ಕೊನೆಯದಾಗಿ, ಸ್ಕ್ರೀನ್ ಮೇಲೆ ಕಾಣುವ ಕ್ಯಾಪ್ಚಾ (Captcha) ಕೋಡ್ ಅನ್ನು ಟೈಪ್ ಮಾಡಿ, ಕೆಳಗಿರುವ ‘Preview and Submit’ ಬಟನ್ ಕ್ಲಿಕ್ ಮಾಡಿ.
- ಈಗ ನೀವು ತುಂಬಿದ ಸಂಪೂರ್ಣ ಫಾರ್ಮ್ 6 (Form 6) ನಿಮ್ಮ ಮುಂದೆ ಕಾಣಿಸುತ್ತದೆ. ಫೋಟೋ, ಹೆಸರು, ವಿಳಾಸ, ಕನ್ನಡ ಕಾಗುಣಿತ ಎಲ್ಲವೂ ಸರಿಯಾಗಿದೆಯೇ ಎಂದು ಮೇಲಿನಿಂದ ಕೆಳಗಿನವರೆಗೆ ಕ್ರಾಸ್-ಚೆಕ್ ಮಾಡಿ.
- ಯಾವುದಾದರೂ ತಪ್ಪಿದ್ದರೆ, ‘Keep Editing’ ಕೊಟ್ಟು ಸರಿಪಡಿಸಿಕೊಳ್ಳಿ. ಎಲ್ಲವೂ ಪರ್ಫೆಕ್ಟ್ ಆಗಿದ್ದರೆ, ಕೆಳಗಿರುವ ‘e-Sign & Submit’ ಬಟನ್ ಮೇಲೆ ಕ್ಲಿಕ್ ಮಾಡಿ.
- ಇದಾದ ಬಳಿಕ, ನಿಮ್ಮನ್ನು ಸಿ-ಡಾಕ್ (CDAC) ನ ಇ-ಸೈನ್ ಪೇಜ್ಗೆ ಕರೆದೊಯ್ಯಲಾಗುತ್ತದೆ.
- ಅಲ್ಲಿ ನಿಮ್ಮ 12 ಅಂಕಿಗಳ ಆಧಾರ್ ನಂಬರ್ ಹಾಕಿ, ‘Get OTP’ ಕ್ಲಿಕ್ ಮಾಡಿ.
- ನಿಮ್ಮ ಆಧಾರ್ಗೆ ಲಿಂಕ್ ಆಗಿರುವ ಮೊಬೈಲ್ ನಂಬರ್ಗೆ ಬರುವ ಒಟಿಪಿಯನ್ನು ಹಾಕಿ ‘Submit’ ಮಾಡಿ.
- ಅಭಿನಂದನೆಗಳು! ಈಗ ನಿಮ್ಮ ಅರ್ಜಿ ಯಶಸ್ವಿಯಾಗಿ ಸಲ್ಲಿಕೆಯಾಗಿದೆ. ಸ್ಕ್ರೀನ್ ಮೇಲೆ ಒಂದು ರೆಫರೆನ್ಸ್ ನಂಬರ್ (Reference Number – ಉದಾ: S100…) ಬರುತ್ತದೆ.
- ಕೆಳಗಿರುವ ‘Download Acknowledgement’ ಕ್ಲಿಕ್ ಮಾಡಿ, ಆ ಸ್ವೀಕೃತಿ ಪತ್ರವನ್ನು ಭವಿಷ್ಯದ ರೆಫರೆನ್ಸ್ಗಾಗಿ ಸೇವ್ ಮಾಡಿಟ್ಟುಕೊಳ್ಳಿ.
ಹಂತ 5: ಅರ್ಜಿಯ ಸ್ಥಿತಿಯನ್ನು ಪರಿಶೀಲಿಸುವುದು ಹೇಗೆ? (Track Application Status)
- ನೀವು ಅರ್ಜಿ ಸಲ್ಲಿಸಿದ ತಕ್ಷಣವೇ ವೋಟರ್ ಐಡಿ ಬರುವುದಿಲ್ಲ. ಅದು ಅಧಿಕಾರಿಗಳಿಂದ (BLO) ಪರಿಶೀಲನೆಯಾಗಬೇಕು.
- ಇದನ್ನು ಚೆಕ್ ಮಾಡಲು, ಪೋರ್ಟಲ್ನ ಮುಖಪುಟಕ್ಕೆ ಬಂದು ‘Track Application Status’ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ರೆಫರೆನ್ಸ್ ನಂಬರ್ ಹಾಕಿ, ರಾಜ್ಯ ಆಯ್ಕೆ ಮಾಡಿ ‘Submit’ ಕೊಟ್ಟರೆ, ನಿಮ್ಮ ಅರ್ಜಿಯ ಪ್ರಸ್ತುತ ಹಂತ ಕಾಣಿಸುತ್ತದೆ.
- ಇದು Submitted -> BLO Appointed -> Field Verified -> EPIC Generated ಎಂಬ 4 ಹಂತಗಳಲ್ಲಿ ನಡೆಯುತ್ತದೆ.
- ಸಾಮಾನ್ಯವಾಗಿ ಫೀಲ್ಡ್ ವೆರಿಫಿಕೇಶನ್ ಆಗಿ ನಿಮ್ಮ ಹೊಸ ಎಪಿಕ್ ನಂಬರ್ (EPIC Number) ಜನರೇಟ್ ಆಗಲು ಕನಿಷ್ಠ 15 ರಿಂದ 20 ದಿನಗಳು (ಕೆಲವೊಮ್ಮೆ ಒಂದೆರಡು ತಿಂಗಳು) ಹಿಡಿಯಬಹುದು.
ಹೊಸ ವೋಟರ್ ಐಡಿ (e-EPIC) ಡೌನ್ಲೋಡ್ ಮಾಡುವುದು ಹೇಗೆ?
- ನಿಮ್ಮ ಸ್ಟೇಟಸ್ ‘EPIC Generated’ ಎಂದು ತೋರಿಸಿ, ಎಪಿಕ್ ನಂಬರ್ ಸಿಕ್ಕ ಮೇಲೆ, ಮುಖಪುಟದಲ್ಲಿರುವ ‘e-EPIC Download’ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ಹೊಸ ಎಪಿಕ್ ನಂಬರ್ (ಅಥವಾ ರೆಫರೆನ್ಸ್ ನಂಬರ್) ಮತ್ತು ರಾಜ್ಯವನ್ನು ಹಾಕಿ ‘Search’ ಮಾಡಿ.
- ಕೆಳಗೆ ‘Send OTP’ ಕ್ಲಿಕ್ ಮಾಡಿ, ನೀವು ಅರ್ಜಿಯಲ್ಲಿ ನೀಡಿದ ಮೊಬೈಲ್ ನಂಬರ್ಗೆ ಬರುವ ಒಟಿಪಿ ಹಾಕಿ ವೆರಿಫೈ ಮಾಡಿದರೆ, ನಿಮ್ಮ ಡಿಜಿಟಲ್ ವೋಟರ್ ಐಡಿ ಕಾರ್ಡ್ ಪಿಡಿಎಫ್ (PDF) ರೂಪದಲ್ಲಿ ಡೌನ್ಲೋಡ್ ಆಗುತ್ತದೆ.
- ಇದನ್ನು ನೀವು ಪ್ರಿಂಟ್ ತೆಗೆಸಿ ಲ್ಯಾಮಿನೇಷನ್ ಅಥವಾ ಪಿವಿಸಿ (PVC) ಕಾರ್ಡ್ ಮಾಡಿಸಿ ಬಳಸಬಹುದು.
- ಅಲ್ಲದೆ, ಮೂಲ (Original) ಪ್ಲಾಸ್ಟಿಕ್ ವೋಟರ್ ಐಡಿ ಕಾರ್ಡ್ ಕೆಲವೇ ತಿಂಗಳುಗಳಲ್ಲಿ ಅಂಚೆ (Speed Post) ಮೂಲಕ ನೀವು ನೀಡಿದ ವಿಳಾಸಕ್ಕೆ ನೇರವಾಗಿ ಉಚಿತವಾಗಿ ತಲುಪುತ್ತದೆ.
ಯುವ ಮತದಾರರು ತಿಳಿಯಬೇಕಾದ ಪ್ರಮುಖ ವಿಷಯ
ಮತದಾನವು ಕೇವಲ ಹಕ್ಕು ಮಾತ್ರವಲ್ಲ, ಜವಾಬ್ದಾರಿಯೂ ಹೌದು.
ಒಂದು ಮತ:
- ಸರ್ಕಾರ ಬದಲಾಯಿಸಬಹುದು
- ಅಭಿವೃದ್ಧಿಯ ದಿಕ್ಕು ನಿರ್ಧರಿಸಬಹುದು
- ದೇಶದ ಭವಿಷ್ಯ ರೂಪಿಸಬಹುದು
ಆದ್ದರಿಂದ 18 ವರ್ಷ ತುಂಬಿದ ಪ್ರತಿಯೊಬ್ಬರೂ ತಕ್ಷಣ ಮತದಾರರ ಪಟ್ಟಿಗೆ ಸೇರ್ಪಡೆಗೊಳ್ಳಬೇಕು.
ಕೊನೆಯ ಮಾತು
Voter ID Card ಕೇವಲ ಒಂದು ಗುರುತಿನ ಚೀಟಿ ಅಲ್ಲ. ಅದು ಪ್ರಜಾಪ್ರಭುತ್ವದಲ್ಲಿ ನಿಮ್ಮ ಅಸ್ತಿತ್ವದ ಸಂಕೇತವಾಗಿದೆ. ಹಿಂದೆ ವೋಟರ್ ಐಡಿ ಪಡೆಯುವುದು ಕಷ್ಟಕರ ಪ್ರಕ್ರಿಯೆಯಾಗಿದ್ದರೂ,
ಈಗ ಚುನಾವಣಾ ಆಯೋಗದ ಡಿಜಿಟಲ್ ಸೇವೆಗಳ ಮೂಲಕ ಕೆಲವೇ ನಿಮಿಷಗಳಲ್ಲಿ ಮೊಬೈಲ್ನಲ್ಲೇ ಅರ್ಜಿ ಸಲ್ಲಿಸಬಹುದು.
18 ವರ್ಷ ಪೂರ್ಣಗೊಂಡಿದ್ದರೆ ಇಂದೇ Form 6 ಮೂಲಕ ಹೊಸ Voter ID ಗೆ ಅರ್ಜಿ ಸಲ್ಲಿಸಿ. ನಿಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿ ಇರುವುದನ್ನು ಖಚಿತಪಡಿಸಿಕೊಳ್ಳಿ.
ಪ್ರಜಾಪ್ರಭುತ್ವದ ಹಬ್ಬವಾದ ಚುನಾವಣೆಯಲ್ಲಿ ಭಾಗವಹಿಸಿ ನಿಮ್ಮ ಅಮೂಲ್ಯ ಮತದ ಮೂಲಕ ದೇಶದ ಭವಿಷ್ಯ ನಿರ್ಮಾಣದಲ್ಲಿ ನಿಮ್ಮ ಪಾತ್ರವನ್ನು ನಿರ್ವಹಿಸಿ.
ದಯವಿಟ್ಟು ಗಮನಿಸಿ: TRENDINGKAR.IN ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.
ಇದೆ ರೀತಿ ಹೆಚ್ಚಿನ ಮಾಹಿತಿಗಾಗಿ ನಮ್ಮ whatsapp ಚಾನೆಲ್ jion ಆಗಿ .
WHATSAPP CHANNEL